វិធីប្រើឋាមពលក្នុងដួងរាសី

នៅពេលបានដឹងអំពីទិសឋាមពលប្រចាំវាសនា ឬសម្រាប់ផ្នែកណាមួយហើយ ចូរអង្គុយបែរខ្នងទៅកាន់ទិសនោះ ក្នុងឥរិយាបថសមរម្យ ហើយតាំងចិត្តអោយស្ងប់ ផ្ចង់អារម្មណ៍ និងសញ្ជឺងគិតលើអ្វីដែលអ្នកចង់បាន ដាក់ផែនការធ្វើកិច្ចការនោះ ហើយតាំងអារម្មណ៍ថា អ្នកកំពុងបានវា។

ការធ្វើសមាធិបែបឈីមិនតុនជែនេះ ជាការបញ្ជូនចំណង់របស់យើងតាមរយៈរំញោចដែនឋាមពលពីក្នុងរាងកាយ បញ្ជូនទៅកាន់លំហរអាកាស ដែលជាដែនឋាមពលរបស់ចក្រវាឡ។ ការប្រឹងប្រែងបញ្ចេញរំញោចលើអ្វីដែលចង់បានកាន់តែខ្លាំង វាកាន់តែឆាប់ដល់ចក្រវាឡហើយដែលក្នុងលំហរចក្រវាឡទាំងមូល មានគោលដៅដែលយើងចង់បាន។

ពេលដែលដែនឋាមពលចក្រវាឡទទួលបានរំញោចអំពីចំណង់ដែលយើងចង់បាន និងបានរកឃើញនូវអ្វីចំណង់របស់យើងដែលស្ថិតនៅក្នុងដែនដែលមនុស្សទូទៅអាចធ្វើទៅបានហើយ ចក្រវាឡនឹងបញ្ជូនវាមកអោយវិញ។

តែ អ្នកគប្បីប្រឹងប្រែងធ្វើការពាក់ព័ន្ធនឹងចំណង់នោះអោយអស់លទ្ធភាព ព្រោះបើអ្នកមិនប្រឹងប្រែងធ្វើកិច្ចការដើម្បីវាទេ វាហាក់ដូចជាអ្នកមិនបានត្រៀមលក្ខណៈក្នុងការទទួលយកនូវអ្វីដែលអ្នកចង់បាននោះឡើយ!

អ្នកត្រូវជឿជាក់លើសមត្ថភាពរបស់អ្នក និងកម្លាំងចក្រវាឡដែលមកចាំជួយអ្នក!